Часовникот не го покажува само времето. Често, тоа е предмет за кој сентиментално се поврзуваш. Бидејќи, твојот часовник содржи високо прецизни електронски и механички компоненти, мора да внимаваш на него за да обезбедиш негово долгорочно користење. Не е воопшто тешко да го одржуваш во топ форма, ако ги следиш овие 10 правила:
 
1. Одржувај го часовникот постојано чист. Земи сува мека крпа и отстрани ја насобраната нечистотија, без употреба на хемиски средства или сапун, кои би можеле да го оштетат. За чистење на метални, пластични или гумени ремчиња, може да користиш благ сапун и влажна мека крпа. 
 
2. Избегнувај контакт со хемиски средства, како што се парфем, креми за раце или средства за чистење. Овие хемиски средства можат сериозно да го оштетат површинскиот слој на твојот часовник. Агресивната пот исто така може да влијае врз сјајот и трајноста на куќиштето и ремчето, бидејќи по сушењето се собираат електролитите од потта.
 
3. Никогаш немој да ги користиш копчињата или круната додека часовникот е изложен на влага. Така во куќиштето ќе навлезе вода без разлика на неговата водоотпорност. Ако во куќиштето навлезе вода или се појави кондензација, часовникот веднаш однеси го во овластениот сервис. Влагата во допир со механизмот може да предизвика корозија и трајни оштетувања.  
 
4. Проверувај во која состојба се наоѓаат ремчето и шнолата на твојот часовник, за да избегнеш негово паѓање и механичко оштетување. Во случај на изабеност и попуштање на шнолата или истрошеното ремче (како последица на постојано користење), веднаш однеси го на овластен сервис и распрашај се за замена на истрошените делови. Редовниот сервис и замената на потрошните делови во овластените сервиси (батерија, ремче), ќе обезбедат долготрајна беспрекорна работа на твојот часовник.
 
5. Не го изложувај часовникот на директно сонце, екстремно топли или студени места. При екстремни температури металот се шири и собира и со тоа се нарушува водоотпорноста на часовникот. Исто така, долго изложување на сонце може да доведе до избледување на бојата на часовникот.
 
6. Избегнувај магнети. Изворите на силно електрично поле и статички електрицитет можат да го оштетат механизмот на часовникот. Твојот часовник е заштитен од извори на умерено електромагнетно зрачење, како што се: апаратите во домаќинството, телевизорот или Wi-Fi опремата, но никогаш не го оставај до или врз звучник.
 
7. Не е препорачливо својата радозналост да ја задоволуваш така што сам ќе го отвораш часовникот, бидејќи така во него ќе влезе влага и прашина, а може да се случи да се скрши некој важен дел. Имај во предвид дека, ако часовникот е отворан од неовластено лице, гаранцијата престанува да важи!
 
8. Избегнувај екстремни шокови и удари на часовникот. Часовникот е конструиран да издржи удари при нормална употреба. Освен G-Shock, тие часовници се најиздржливи и отпорни на удари.
 
9. Ако имаш часовник на соларно полнење, секогаш чувај го на место со природна светлина, но не на директно сонце. Чувај го на полица покрај прозор, а никако во кутија или фиока. Часовникот треба секојдневно да се полни од сончевата светлина.
 
10. При купување на нов часовник (освен кај оние со соларно напојување), батеријата која доаѓа со часовникот е контолна- фабрички вградена во процесот на производство и нејзиниот век на траење може да биде покус отколку што е наведено во спецификацијата. Доколку батеријата се истроши, погрижи се да ја замениш што побргу. Не оставај стара или истрошена батерија во часовникот, може да направи штета.

Секогаш постои граница до која мерка одреден часовник е отпорен на притисок во вода. Што точно подразбира водоотпорност на часовник?
 
Водоотпорност е поим кој означува дека часовникот нема да пропушти вода под било какви услови односно дека ниту во куќиштето, ниту во механизмот нема да навлезе влага. Но, во одредени услови скоро секој часовник може да пропушти вода. Затоа, во индустријата за часовници, поимот водоотпорност има малку поинакво значење односно означува способност на часовникот да поднесе притисок во вода.

Часовниците кои носат ознака „водоотпорни“ всушност се отпорни единствено на влага. Ваквите часовници нема да се оштетат доколку низ нив поминат неколку капки вода додека ги миете рацете или доколку се накапат со вода при дожд.
 
Но, тоа што на часовникот пишува дека е водоотпорен, не значи дека со него може да пливате или да се туширате.
 
Водата е всушност еден од најголемите непријатели на часовниците. Ако пливате или се занимавате со воден спорт, би требало секоја година да го носите часовникот кај овластен сервисер кој ќе ја тестира водоотпорноста. Можеби надворешноста на куќиштето изгледа голема и цврста, но механизмот на часовниците е секогаш мал и чувствителен.

Да бидеме искрени, единствената „заштита“ која стои меѓу вашиот часовник и водата е еден мал капак. Водата многу лесно може да го најде својот пат до механизмот дури и низ најмалите простори невидливи со голо око. 

Доколку на вашиот часовник пишува дека е водоотпорен до 100 метри, претпоставувате дека е во ред да го носите доколку нуркате во базен. За жал, тоа не е целосно точно. Нурнувањето во вода создава нагла промена на притисокот. Иако трае само неколку секунди, нурнувањето може да предизвика голем шок кај часовникот, особено кај оние часовници кои не се наменети за нуркање.
 
Водоотпорноста е всушност притисок, а во моментот кога ќе нурнете во вода нагло се менува притисокот и тој некогаш може да биде поголем од дозволеното. Нурнување неколкупати во вода може да создаде притисок кој часовникот нема да може да го издржи бидејќи водата ќе притиска на часовникот повеќе од дозволеното. Во тие моменти притисокот е толку силен, што водата најверојатно ќе навлезе и во часовникот.
 
Кај повеќето часовници треба да се избегнува нагло изложување на притисок, нурнување, скокање или пливање. Значи, иако на часовникот пишува дека е водоотпорен до 100 метри, тоа во реалноста се однесува на водоотпорност при постепено влегување во вода.

Постојат часовници кои се наменети специјално за нуркање. Ваквите часовници се специјално дизајнирани за екстремни услови, па со нив може да нуркате и до длабочина од 200 метри. Кај ваквите часовници има минимален број на отвори низ кои може да навлезе вода, за разлика од часовниците со покомплицирани механизми.

Часовниците за нуркање имаат само една цврсто завртена круница, многу цврсто куќиште и се беспрекорно запечатени. Доколку планирате често да пливате или нуркате со вашиот часовник, најдобро е да одберете од часовниците кои се специјално направени за такви услови. Во секој случај, пред да го направите својот избор најдобро е да се консултирате со овластен сервисер.
 
 

Добриот дизајн е во срцето на асортиманот на производи во MY:TIME. Секој часовник и секое парче накит е создадено од креативната енергија и идеја која живее во дизајнерите.

MY:TIME како македонски бренд и ланец за продажба на часовници и накит од светски познати брендови го препознава и талентот на нашите локални дизајнери. Уникатен е стилот на Ind.o.g - арт директор, графички дизајнер и илустратор, кој е инспириран од секојдневието на ова поднебје. Заедно со него решивме да создадеме Tote торби за кои Ind.o.g добротворно направи специјален дизајн, а ние ги испечативме и ги поставивме во нашите продажни салони во ГТЦ и Сити Мол за да бидат поблиску до вас.

Како општествено одговорна компанија, MY:TIME одлучи средствата од продажбата на овие Tote торби да ги донира на www.donacii.mk на луѓе и институции кои имаат вистинска потреба од помош. Оваа акција се спроведува во соработка со здружението Хуманост Без Граници.

Сакаме да придонесеме кон создавањето на здрава популација, среќни деца, силно и функционално општество, како и институции кои во целост ги опслужуваат пациентите. Приклучете ни се!

Да донираме на оние кои им е потребна нашата помош и заедно вистински да им помогнеме!

Донирајте со купување на прекрасно дизајнирана Tote торба! Торбите може да ги најдете во продажните салони на MY:TIME во ГТЦ и Сити Мол, по симболична цена од 300 денари.

Берлин, 10ти Април 2017 – No Comply е оригиналниот израз во круговите на скејтерите. No Comply како израз совршено се вклопува и во рап сцената. Ако MC-ата и DJ-ите не почнеа да земаат микрофони во раце, и ако продуцентите не ги откриеа семпловите, немаше да има рап музика. И ако G-SHOCK се држеше до правилата навидум врежани во камен, брендот денес немаше да постои. Напротив, најиздржливите и најцврсти часовници на светот следната година ќе прослават 35 години од своето постоење.

No Comply значи: без правила. Секој скејтер со самопочит го знае овој трик (кој навидум изгледа невозможен) од почетничките денови во овој спорт. Изразот, исто така се применува и на рап сцената каде кршењето на правилата… е правилото.

Можеби е тешко сега да се замисли, но откако првите семплови биле извадени во студио и на улица, доаѓа револуцијата во музичката продукција. Семпловите ѝ помогнаа на една тотално нова заедница да си го пронајде својот звук. Одеднаш, не треба да свириш на инструмент за да бидеш музичар – сé што ти треба е талент и волја да ја научиш новата технологија.

Енергичен стил и, најмногу од сѐ, чисти бои кои одговараат на скоро секоја комбинација на облека отсекогаш биле клучни за аксесоарите во рап круговите, па така G-SHOCK останува забележлив и го декларира изгледот токму на тој начин.

Со наближување на 35 годишнината, G-SHOCK ја придружува No Comply кампањата со лансирање на нов модел кој несомнено влегува во холот на славните. Моделот GA-710GB ги има добро познатите популарни бои на G-SHOCK– богато црната ја пресретнува треперливо златната. И за крај, неуништливоста како и кај сите други G-SHOCK часовници, се должи на инженерот Kikuo Ibe од CASIO кој пред 35 години реши да ги скрши непишаните правила и да го направи првото G-SHOCK куќиште издржливо на удар. 

 
Против сите норми - No Comply
 
 
 
 
 

Пред да започнеме да патуваме во светот на Ind.o.g, накратко раскажете ни кој се крие позади ова име?

Горан или Ind.o.g / www.indog.info е производ на креативна енергија и идеја која што живее и создава скоро 18 години. Ind.o.g значи Independent of gravity, водејќи се од тезата дека идеите секогаш лебдат во воздухот само треба да ги врземе и да не се задоволуваме од почетните идеи, туку да истражуваме и лебдиме повеќе. Работам како арт директор, графички дизајнер, илустратор, видео артист, консултант, а последниве 4 години најмногу уживам да го пренесувам моето знаење како професор во областа на дизајнот, бренд визуелната и уличната уметност и дата визуелизација.

Специфичниот стил, колоритната графика, содржината и формата на Вашите дела се еден препознатлив знак за нашето урбано Скопје. Што ја буди креативата во Вас?

Уметноста е порив, а јас го цртам тоа што го чувствувам. Визуелно го презентирам тоа што го доживувам. Конструктивното незадоволство е мојата главна инспирација. Можеби Скопје не е идеалниот град, но тој поседува и многу уникатни и убави работи кои се во процес на губење, па моето творештво е еден вид на документ за истото. Јас сум производ на истиот тој град. Генерално набљудувам и се инспирирам од секојдневието, од необичните луѓе и ситуации, а човечноста е движечкото дејство.

Освен цртањето, дизајнот и славењето на животот, кои други страсти ве водат низ Вашето секојдневие?

Ме води истражувањето на новото и откривањето на старото. Современа антропологија во принцип. Се трудам да правам работи кои што мене ме интересираат, затоа не работам со секој и не работам било што. Возам точак, се дружам со кул луѓе кои што не се занимаваат со малограѓанштина, вешто бегам од непродуктивни разговори, па дури и на интернет. Ме фасцинира добрината и чесноста која што некако се губи во целиот овој хаос. Медитирам, читам книги, понекогаш одам на планина и сакам да патувам бидејќи така духовно се збогатувам. Исто така, уживам да предавам и несебично да го пренесувам тоа што го знам.

Со темата “Celebrate Life”, влеговте и во модната индустрија. Колку се важни за Вас аксесоарите?

Celebrate Life беше вентил за нешто што јас сакам да го кажам. Унисекс парче облека кое што зборува за позитивните социјални и општествени промени. 7 години се навистина многу за проект кој не е профитабилен. Сакам да правам повеќе aксесоари. Сеуште не сум задоволен од тоа колку имам постигнато со брендот, но се надевам во иднина ќе можам повеќе да се насочам кон тоа бидејќи според мене аксесоарите се важни за една индивидуа.

За крај, со каков часовник или пак накит би го виделе Ind.o.g низ улиците на Скопје?

Нaкит во принцип не носам. Имам само неколку парчиња од локални и светски дизајнери, но не ги носам често. Обожувам пирсови, но имам само еден. Доколку тетоважите се вклучени како моден додаток, тогаш секогаш имам моден додаток со мене. Сакам да тетовирам одредени периоди од својот живот на себе, бидејќи телото си го третирам како медиум. Инаку G-Shock многу ми се допаѓа како часовник од аспект на дизајн и функционалност, но ми се допаѓаат и моделите на часовниците Sector, Diesel, Jacques Lemans и Skagen се исто така модели кои би ги носел бидејќи изгледаат совршено.    

 
Автомобили и часовници, звучат како одличен пар, нели? Запознајте се со Андреја, основач на CARclub.mk, колекционер на часовници и наш драг клиент.
 
 
 
 
Неговиот стил го предводи моќниот изглед на G-ShocGST-W110D-1A часовникот од серијата G-Steel. 
 
Погледнете го изборот на овие моќни часовници отпорни на удар, на нашиот веб сајт во делот G-Shock
 
 
 
 
"Ништо не ја прави една жена поубава од вистинските модни додатоци и добрата шминка“ вели нашиот лојален клиент Фросина Ангеловска од модното студио ФРАН.

 
 
 
 
Нејзиниот гламурозен стил го предводи моќниот изглед на  и
 
Погледнете го изборот на овие гламурозни, а сепак едноставни часовници и накит на нашиот веб сајт во делот Michael Kors
 
 
 
 
Совршено изработен костум по мерка и добар рачен часовник се две работи кои секој џентлмен треба да ги поседува, велат Ненад и Крис од SIGNORI, наши лојални клиенти.
 
 
 
 
Нивниот елегантен и префинет стил ги предводат FOSSIL ME3105 TOWNSMAN и Emporio Armani AR2427.
 
Погледнете го изборот на овие часовници, на нашиот веб сајт во делот FOSSIL и Emporio Armani
 
 
 
 
"Едната работа која секогаш може да се поврзе со мојот идентитет е мојот часовник - вели Јована Аврамовска од Фчерашни новости. 

 
 
 
 
Нејзиниот лежерен изглед го истакнува совршено чистиот, карактеристичен изглед на SKAGE358SRRD FREJA часовник и SKAGEN SKJ0874791 SEA GLASS алка
 
Погледнете го изборот на овие едноставни часовници и накит со префинет дизајн на нашиот веб сајт во делот SKAGEN
 
 
 
 

Ненад и Крис креираат костуми по нарачка, дизјнирани по барани спецификации и мерки. Нивната компанија Signori работи по принципот дека уникатните костуми направени по нарачка треба да бидат достапни за сите мажи и жени. Клиенти им се луѓе кои сакаат да остават силен прв впечаток.

Кои се Signori и како започна вашата приказна?

Како луѓе со префинет вкус, се соочивме со проблем кој многумина од нас го имаат. Македонскиот пазар е лимитиран во поглед на машката мода. Тешко се наоѓа нешто уникатно, по светски стандарди, со убави матерјали и кроеви, а и онаму каде што има интересни парчиња, нема бројчиња за нас со атлетска градба. Или се тесни во рамената или се широки во струкот. Мојот проблем го делат многу момци во Македонија, меѓу кои и јас и мојот партнер Ненад Пантовиќ, па самата потреба не однесе до раѓањето на брендот “Сињори”. Почнавме со едно одело за нас, а побарувачката не доведе до идеа да го правиме тоа и за пошироката маса.

Што сѐ нуди Signori како услуга за своите клиенти?

Signori како компанија за веќе три години максимално го има проширено својот асортиман на производи. На самиот почеток изработувавме само кежуал блејзери, па како што растеше побарувачката така го зголемивме изборот и на своите производи. Денес Signori изработува скоро сé од машка гардероба по мерка. Денес ги имаме на располагање број еден материјалите за изработка на одела во светот “Scabal“. Од одела изработуваме спортски комбинации, бизнис и елегантни смокинг одела, кошули по мерка од дупло ткаен египетски памук, кожни чевли, кожни актовки и кожни машки паричници. Изработуваме и секаков вид на аксесоари односно украсни марамчиња, вратоврски, лептир машни и украсни манжетни.

Колку е оптималното време за изработка на еден костум?

Во Signori потребно време за изработка на едно одело изнесува од четири до пет недели. Секако во тој период правиме минимум две проби.

Споделете со нас убави моменти од проект кој верувате дека има најголемo влијание на вашата кариера.

Signori до сега има реализирано доста проекти и сите ни се еднакво драги. Еден од нив е Gentleman’s Ride настан кој е доста импресивен, се одржува секоја година, а од неодамна и во Македонија. Signori како компанија која што изработува исклучиво гардероба за мажи секако дека би ја подржала кампањата за поткревање на свеста околу здравјето на еден маж. Исто така, првото наше рекламно видео со Кире Лазаров остави доста голем и силен впечаток, не само во нашата држава туку и надвор од неа. Кире Лазаров е силен пример за многу млади луѓе во нашата држава како еден маж треба да изгледа и како треба да се однесува.

Од каде потекнува идејата за Signori Gentleman’s Club?

Сакавме да направиме нешто поразлично и мислам дека успеавме во тоа. Gentlemen’s Club е група на млади и успешни џентлмени кои воедно се и наши клиенти. Настанот се одржува еднаш во месецот на различна локација, се со цел да се оствари подобар нетворкинг преку кој се разменуваат бизнис идеи и мислења. Настанот е подржан како и секогаш од нашите спонзори Chivas Regal и Farel Cigar.

Опишете ни го вашиот стил во секојдневието и во специјални прилики. Дали секогаш носите часовник?

Се разбира дека јас и мојот партнер Крис поголемиот дел од времето сме во одело, секако кошула со соодветна вратоврска и украсно марамче. Слободно можам да кажам дека 99% од времето сум со часовник на раката.

Што мислиш, дали македонските мажи посветуваат доволно внимание на својот изглед?

Денес мажите посветуваат многу повеќе внимание на својот изглед за разлика од порано. Истото важи и за македонските мажи, особено за оние коишто редовно носат костуми.

Мажите не сакаат своето време да го трошат во трговски центри и продавници по потрага на идеалниот костум и доколку сепак го направат тоа ќе се најдат пред истиот проблем како и ние, лимитираност на македонскиот пазар во поглед на машката мода, непријатна гужва и редици пред соблекувалните. Никогаш нема да најдете костум што ќе ви стои подобро од костумот направен по ваша мерка.

Која е најпознатата личност за која сте правеле одело?

Кире Лазаров.

Кој е главниот моден додаток кој е неопходен за комплетен изглед на еден маж?

Часовник.