Најдовте часовник кој Ви се допаѓа и ја знаете неговата димензија но не не сте сигурни како ќе изгледа на Вашата рака? Кликнете на овој линк: Испечати и пробај

 
Немате искуство со е-купување? Не е проблем, само продолжете со читање.
 

1 Чекор: 

Ви се допадна еден од производите застапени во портфолиото на my:time, но не сте сигурни што понатаму. Без разлика дали сте во деталниот преглед на производот кој сакате да го купите или прегледувате повеќе производи од еден бренд, неминовно е да забележите две копчиња, „Во Кошничка“ и „Купи Веднаш“.
 
Кога ќе го кликнете копчето „Во Кошничка“, посакуваниот производ се вметнува во кошничката во горниот дел од екранот, веднаш над менито Поддршка, а Вие можете да продолжите со прегледување на остатокот од производите. Кога ќе најдете друг производ кој Ви се допаѓа можете повторно да го вметнете во кошничката, за на крај, кога ќе завршите со вашата потрага да ја отворите кошничката и да го погледнете Вашиот избор. Тука ќе имате можност да ја прегледате нарачката и да ги избришете производите кои не ги сакате, односно да ја дознаете вкупната сума за сите производи како и да поминете во следниот чекор од нарачката.
 
Доколку пак го гликнете копчето „Купи Веднаш“ навигацијата ќе Ве однесе директно на преглед на нарачката каде ќе ја видите вкупната пресметка и имате можност да поминете во следниот чекор од нарачката.
 

2 Чекор: 

Ги проверивте деталите за нарачката? Доколку се согласувате со она што го гледате на екранот, со цел да продолжите со следниот чекор од нарачката треба да кликнете на копчето „Нарачај“ во долниот десен агол од прегледот. 
 
Сега се наоѓате во делот каде треба да ги вметнете податоците за испораката. Во суштина, нашата е-продавница нуди 2 начини на нарачка:
  • Со креирање на кориснички профил
  • Без креирање на кориснички профил

Креирањето на кориснички профил не е задолжително. Но, задолжително е да ги пополните податоците потребни за реализација на нарачката и испораката. Со пополнување на податоците Вие се согласувате со политиката за приватност и условите за користење.

 

3 Чекор: 

Ги внесовте Вашите податоци или направите кориснички профил? Следи уште еден, конечен, преглед на нарачката. Откако ќе потврдите, се префрлате на нова страна каде треба да ги пополните податоците за наплата.
 
Важно: My:time.mk не собира никакви информации од финансиска природа како број на Картичка и/или број на банкарска сметка. Податоците околу кредитната картичка и банкарската сметка ќе бидат чувани и користени исклучиво од страна на НЛБ Тутунска Банка.“
 
Откако ќе заврши процесот на наплата, ќе добиете конечна потврда за нарачката како и известување по електронска пошта на наведената адреса.
 
Нарачките од е-продавницата на my:time ги имаат следните статуси:
  • СЕ ПРОЦЕСИРА – што подразбира дека нарачката од страна на купувачот/нарачателот е извршена, но истата е во процес на одобрување и/или подготовка на потребна документација за испорака. 
  • ОДОБРЕНА - нарачката е одобрена и се чека на доставувачот да ја подигне за пренос до нарачателот. 
  • ОДБИЕНА - нарачката е одбиена, причината е испратена преку е-пошта до корисникот, а уплатените парични средства се враќаат на нарачателот. 

Се надеваме дека овој водич Ви помогна при извршување на Вашата нарачка, секако доколку имате дополнителни прашања, Ве охрабруваме да не контактирате на contact@mytime.mk во секое време.
 
 
 

Е- ПРОДАВНИЦА


Електронско купување на производи може да се оствари со следните платежни картички: Visa Classic; Visa Electron; Master Card; Maestro; Diners Club International (само доколку има CVV2/CVC код на позадината од картичката) а наплатата се извршува преку нашиот партнер НЛБ Тутунска Банка. 

ПРОДАЖЕН САЛОН

1. Плаќање во готово
2. Плаќање со платежна картичка (Visa, Master, Maestro, Diners, American Express) 


Плаќање со Visa платежна картичка. Со Visa картички издени од НЛБ Тутунска Банка и Стопанска Банка АД Скопје можност за плаќање на рати без камата.


Плаќање со Master платежна картичка. Рати зависно од вашиот договор со банката. Со Master картички издени од НЛБ Тутунска Банка можност за плаќање на рати без камата.


Плаќање со Maestro платежна картичка. Рати зависно од вашиот договор со банката. Со Maestro картички издени од НЛБ Тутунска Банка можност за плаќање на рати без камата.


Плаќање со Diners платежна картичка, во полн износ или на 6 рати без камата.
 Плаќање со American Express платежна картичка.
 Гифт картичка или вредносна картичка за подарок, со износи од 1.000, 3.000 и 5.000 денари. Картичката може да се купи во сите експозитури на Комерцијална Банка АД скопје во Република Македонија. Наменета е за купување ислучиво во трговскиот центар Скопје Сити Мол. Картичките се за повеќекратна употреба и имаат важност до 6 месеци од моментот на нивно активирање, односно купување. 
3. Moby Pay- Плаќање преку мобилен телефон 


Moby Pay - плаќање преку мобилен телефон: Платежните трансакции се реализираат со посредство на мобилен телефон од страна на корисници регистрирани за користење на услугата Moby Pay кои се реализираат преку Moby Pay ПОС терминали на продажните места. (Иматели на услугата Moby Pay се претплатници кои се корисници на услугата мобилно плаќање односно налогодавачи на трансакциите кај трговците учесници во системот на T-Mobile Македонија АД Скопје за мобилно плаќање)

My:time обезбедува 2 (две) годишна гаранција на секој купен часовник.

Гаранцијата се однесува на фабричките недостатоци на механизмот на часовникот во однос на квалитетот и исправното функционирање, при користење во нормални услови и може да се реализира исклучиво во гаранцискиот рок, со приложување на производот кој е предмет на рекламацијата, правилно заверен гаранциски лист и оригиналната фискална сметка.

Гаранцијата не се однесува на: куќиштето, стаклото, ремчето, додатоците, батеријата, механичките оштетувања, оштетувањата настанати од: вода, од хемиски средства, топлина, оган или мраз, изложеност на електромагнетно поле или статичен електрицитет, од несоодветно користење, негрижа и неправилно одржување, обиди за неовластени поправки, нормално абење од износеност, губење, злоупотреба или кражба од било кој вид.
 
Рокот по кој ќе постапиме по барањето на корисникот на гаранцијата за отстранување на дефектите и недостатоците изнесува максимум 30 дена (ЗЗП, член 48). За поправки вон гарантниот рок, купувачот може да се обрати кај нашиот квалификуван сервисер.
 
*Го задржуваме правото да ја откажеме гаранциската одговорност доколку часовникот го отворило или оштетило неовластено лице.
 
Потрошувачот ги има сите законски права кои произлегуваат од националното законодавтсво кое ја регулира продажбата на производите. Овие права не се загрозени со гаранцијата. За се што не е нагласено во гаранцискиот лист, важат одредбите од Законот за заштита на потрошувачите.
 
My Time ГТЦ приземје, локал 325
  • тел:+389 2 3225 666
  • Работно време: понеделник - сабота од 10:00h - 17:00h

Во сервисот на my:time можете да најдете резервни делови за сите брендови кои ги застапуваме.
Покрај ова, нудиме и услуги со кои сервисираме и производи кои не се застапени во нашето портфолио. Доколку имате прашања поврзани со сервисирање на вашите часовници слободно можете да го упатите на contact@mytime.mk.
 

  • Часовниците се со различна водоотпорност.
  • Информирајте се од позадината или бројчаникот на Вашиот часовник.
  • Треба да знаете дека часовниците се тестирани според статичен притисок.
  • Динамичните движења во вода го зголемуваат притисокот.                                                             

КОРИСНИ СОВЕТИ                                                                                                                                                                                                                                                                          

  • Не ги користете копчињaта во вода (освен ако во оригиналното упатство стои поинаку)
  • Избегнувајте допир со хемикалии (бензин, хлор, парфем, алкохол)
  • Не изложувајте го непотребно часовникот на високи температури и силен магнетизам.
  • Сервисирајте го Вашиот часовник само кај овластен сервисер.
  • Часовникот може да се користи според означеното, се додека стаклото, круната, копчињата, куќиштето и дихтунгот се неоштетени.
 
 
ВОДИЧ ЗА КОРИСТЕЊЕ ЗА ВОДООТПОРНОСТ
 

WR (основна заштита) 

Часовникот не е водоотпорен. Избегнувајте секаков допир со вода.

 


     

BAR  

Дизајниран да биде отпорен на нормално прскање при миење на раце, дожд, итн., но не и на потопување.

 

 
   

5 BAR

Може да биде изложен на слаб притисок при течење на вода на нормална температура, но не е специјално дизајниран за пливање и нуркање.
 

     

10 BAR

Може да се носи при пливање, не е дизајниран за нуркање или пливање на екстремни температури.
 


  

20 BAR

За нуркање до дозволени длабочини, но не за
скуба-нуркање (освен во длабочината која е дозволена) Погоден за водени спортови, нурнување на здив и плитко нуркање. Задолжителен годишен сервис на часовникот.
 


 
 
 

30 BAR или повеќе

Погоден за сите активности во вода: водени спортови, нурнување на здив, плитко и длабоко нуркање (scuba diving). Задолжителен годишен сервис на часовникот.
 


 
 

 

 

 

Одржување на Вашиот часовник


 

 

  • Редовниот сервис и замената на потрошните делови во овластените сервиси (батерија, ремче), ќе обезбедат долготрајна беспрекорна работа на Вашиот часовник.
  • Проверувајте, од време на време, во која состојба се наоѓаат ремчето и шнолата на Вашиот часовник, за да избегнете негово паѓање, и механичко оштетување кое гаранцијата не го покрива. Во случај на изабеност и попуштање на шнолата или истрошеното ремче (како последица на постојано користење), веднаш посетете го сервисерот и распрашајте се за замена на истрошените делови.
  • Ако поседувате часовник погоден за нуркање (20ATM или повеќе) задолжително носете го на годишен преглед или евентуален сервис на часовникот. Особено е важно да се потврди состојбата на механизмот и дихтунгот (гумата за водоотпорност).
  • Одржувајте го часовникот постојано чист. Прашината и нечистотијата најчесто се насобира помеѓу куќиштето и круната и токму поради тоа е потребно негово редовно чистење (додека круната е во нормална положба). 
  • За чистење на нечистотијата од часовникот користете сува, мека крпа. 
  • За чистење на метални, пластични или гумени ремчиња, користете благ сапун и вода. 
  • КОЖЕНИ РЕМЧИЊА: Горната страна на кожено ремче исчистете ја со мека, сува крпа, а долната површина на коженото ремче исчистете ја со крпче натопено во чист алкохол.
  • ВНИМАНИЕ: Избегнувајте употреба на хемиски средства како што се разредувачи, бензин, ацетон и сл., бидејќи тие можат да го оштетат површинскиот слој!

Упатства за користење на часовниците
 
Овие упатства претставуваат начални можности на часовникот и никако не се применливи на сите видови часовници кои се достапни на пазарот, но даваат увид во основите за ракување и пристап кон одделните карактеристики на часовникот.
 
Едноставен часовник (време, ден, дата):
 
  • 1. Нормална положба на круната.
  • 2. Положба за подесување на датата и денот во неделата- таканаречено "прво колено" (деновите во неделата, доколку постојат, често се напишани на два јазика: германски и англиски)
  • 3. Положба за подесување на сказалките на часовникот- таканаречено "второ колено" (сказалката за секунди запира)

 
 Часовник со функции хронограф и аларм како делови од часовникот:
 
 
 
 
 
 
 
 
 
 
 
 
  • 1. Минутна стрелка на хронографот (зависно од моделот)
  • 2. Стрелката за секунди на хронографот (зависно од моделот)
  • 3. Покажувач на датата
  • 4. Круна на часовникот
  • 5. Стрелката за алармот
  • 6. Стрелката за секунди/ 1/20 на хронографот
  • 7. Стрелката за часови на хронографот
  • A. Копче за започнување / продолжување на мерњето на хронографот
  • В. Поставување на хронографот на нулта позиција (рестартирање)
  • C. Активација/ деактивација на алармот
  

 

Автоматски механизам

П: Што е тоа автоматски часовник?

О: Автоматски часовник е механички часовник, чијашто основна спирала го навива часовникот со помош на движењата што ги прави раката на која се наоѓа.

П: Дали автоматскиот часовник е исто што и часовник кој рачно се навива?

О: Не, часовникот кој се навива рачно, неговиот сопственик го навива рачно со помош на круната за навивање.

П: Зошто овие часовници се нарекуваат автоматски?

О: Поради тоа што нивниот сопственик не ги навива, туку се навиваат со самото носење.

П: Дали автоматските часовници се прецизни?

О: Автоматските часовници се прилично прецизни, со дневно отстапување од  +30/-5 секунди, зависно од квалитетот на механизмот. 

П: Колку движења на раката се потребни за да работи автоматскиот часовник?

О: Доволни се природните движења на раката и зглобот, но луѓето кои не се движат често или нередовно го носат, треба да го навиваат. 

П: Колку често треба да се сервисира автоматскиот часовник?

О: Голем дел од производителите препорачуваат сервисирање на секои 3-5 години, но ако автоматскиот часовник има повисок  степен на водоотпорност, треба да се проверува еднаш годишно.

 

 

Доколку имате некоја сугестија или забелешка во однос на изгледот или функционалноста на нашата веб страна, ве молиме испратете ја на contact@mytime.mk. Доколку ја оцениме како корисна ќе следува симболично изненадување.