Çfarë ndodh kur dy shpirtra krijues e realizojnë, më në fund, bashkëpunimin e tyre të shumëpritur? – Një çast tejet i veçantë që mishëron gjithë punën që kemi bërë (vërtet, nuk e fsheh dot këtë frymë pozitiviteti dhe sinergjie")
Që në bisedën e parë me Aleksandrën (@aaaesthete) dhe Borjanën (@bor.jana) u bë e qartë që ky nuk ishte një sesion i thjeshtë fotografik dhe ekspozimi materialesh, por një projekt plot argëtim, shpërfaqje stilesh dhe sinergji idesh e energjie. Vajzat do të na tregojnë se si u zhvillua ky projekt krijues dhe seksioni i parë i fotografive #MomentsForUs.
Borjana: Jam kaq e ngazëllyer që po shkruaj këtë tekst për një sesion fotografik krejtësisht të ndryshëm, ndër të preferuarit e mi deri tani. Arsyeja e parë dhe kryesore pse ndihem e ngazëllyer dhe mezi po e pres, është fakti se në prapaskenë jemi vetëm unë dhe Sani (Aleksandra) me orët dhe bizhuteritë e MY:TIME. Ato të japin një frymëzim të pashoq. Është e mrekullueshme të punosh me Sanin, si në planin privat, ashtu edhe në atë profesional dhe nuk është e vështirë ta ndiesh se ç’pozitivitet dhe krijimtari na rrethon. Dua ta theksoj arsyen e dytë, që është aseti im personal për këtë sesion: veshjet. Edhe pse zotëroj shumë veshje, të preferuarat e mia janë ato që nuk i kam. Vazhdoj ta përmirësoj gardërobën time me rroba të familjes, veçanërisht të gjyshes, sepse kanë edhe vlerë sentimentale për mua. Pra, në këtë sesion fotografik ka veshje që m’i ka dhënë familja ime, enkas ose jo, ndaj rrobat kanë ka origjina, pëlhura apo vite të ndryshme prodhimi. Megjithatë, të gjitha vijnë sipas stilit tim dhe objektivit të Sanit.”
.jpg)
Aleksandra: “Një nga gjërat që preferoj në profesionin tim është besimi dhe liria krijuese që më jep klienti, si dhe mbështetja krijuese e bashkëpunëtorëve. Ky sesion erdhi spontanisht pas disa muajve bllokimi të krijimtarisë e dëshirës për ta ringjallur atë, si edhe prej idesë për të bashkëpunuar mes tre vetave, gjë që e kishim diskutuar gjatë. Secili nga tetë sesionet frymëzohet nga produktet MY:TIME, gardëroba e Bojanës dhe tabelat e mia që frymëzojnë gjendje të ndryshme, të cilat thuajse i kisha harruar, por edhe nga dëshira për të dalë nga rehatia e përditshme dhe për të zbuluar mundësitë që më ofron studioja ime e mbyllur”.
.jpg)
Borjana: Ky është sesioni ynë i parë fotografik dhe titullohet “Can’t fake this feeling”. Energjia, të cilën shpresojmë ta kemi përçuar, na kthen te diskotekat e viteve ‘70-‘80”.
Aleksandra: “Sesioni i parë frymëzohet nga normaliteti i ri dhe nga ajo që na mungon më shumë në këto çaste: festat në disko. Fotografitë kanë një efekt shkëlqimi e mjegulle, që sjell atmosferën retro dhe sfondi i bardhë u zgjodh për të mos e larguar vëmendjen nga modelja. Rrezja e dritës që doja prej kohësh ta përdorja, përshtatet në mënyrë të përkryer, pasi vë në fokus orën dhe bizhuteritë Fossil”.
.jpg)
Borjana: “Mund të dalloni tek unë orën e artë Fossil LANEY dhe bizhuteritë Fossil VINTAGE MOTIFS (vathë, byzylyk dhe varëse). Kam veshur edhe një këmishë mëndafshi, që e ka pasur gjyshja ime. Në sfond dëgjohej muzikë diskoje me elemente funk, si prekja përfundimtare e këtij sesioni fotografish.”.jpg)
