ORPHIC

Orphic – mb. Misterioz dhe magjepsës; përtej të kuptuarit të zakonshëm

Mund të themi se ky sesion fotografik i jep #MomentsForUs një dimension krejt tjetër. Dy krijueset e kësaj bote misterioze, Aleksandra(@aaaesthete) dhe Borjana(@bor.jana) do t’ju tregojnë më shumë për të.

Aleksandra: Për këtë sesion fotografik duhej t’i ikja rehatisë së studios sime. Fillimisht menduam të shkonim në Muzeun e Iluzioneve, por “u detyruam” ta bënim vetë skenografinë, që ajo të sillte energjinë e papafingos së Borjanës.

Borjana: Më pëlqeu shumë mënyra se si e sollëm këtë orë elegante në botën e iluzionit dhe magjisë, jo vetëm me skenografinë, por edhe me veshjet retro-avangardë.

Aleksandra: Pesë fotot tregojnë pesë iluzione të ndryshme, për të cilat duheshin bërë kërkime, nja dy objekte dhe pak art nga duart tona. Krahas dritës, kuadrit dhe skenografisë, estetika vizuale pasurohet nga veshjet e pazakonta të Borjanës, që vënë në fokus orën Versus Versace Tortona.

Borjana: Kur shikon për herë të parë orën Versus, kokat e luanëve në rrip të bëjnë vërtet përshtypje, sepse nuk i sheh në asnjë orë tjetër. Për mendimin tim, ato simbolizojnë "guxim".

Aleksandra: Këto koka të vogla luanësh që gjenden në disa modele Versace, simbolizojnë shpirtin e luksoz, ekstravagant e guximtar të markës..

Aleksandra: Ky model bie në sy me ngjyrën e artë dhe stampimet në rrip, ndërsa sfondi i errët thekson dizajnin minimalist të akrepave të orës.

Borjana: Mendoj se Versus Versace Tortona është një orë që meriton të vihet në ndonjë festë spektakolare ose në një ballo moderne. Ajo meriton të shihet, sepse është më shumë se sa një detaj i veshjes. Është VETË veshja. Imagjinoj një kombinim ideal për këtë orë: fustan i gjatë mëndafshi të zi me shpinë të hapur, me rripa të hollë.