Një orë dore ka gjithmonë një kufi rezistence ndaj trysnisë së ujit. Çfarë do të thotë saktësisht hidroizolim (waterproofing) në një orë dore?
Rezistenca ndaj ujit tregon nëse një orë është e mbyllur fort kundër hyrjes së ujit në çdo rrethanë dhe nëse kasa dhe mekanizmi mund t'i bëjnë ballë depërtimit të lagështirës. Megjithatë, në kushte të caktuara, pothuajse në çdo orë mund të futë ujë. Prandaj, "rezistenca ndaj ujit" ka një kuptim paksa të ndryshëm në industrinë e prodhimit të orëve dhe tregon se ç’presion uji mund të përballojë një orë. Orët e emërtuara "rezistente ndaj ujit" janë në fakt rezistente vetëm ndaj lagështirës. Orë të tilla nuk dëmtohen nëse spërkaten nga disa pika ujë gjatë larjes së duarve ose nga shiu.
Vetëm për shkak se një orë mban etiketimin "rezistente ndaj ujit" nuk do të thotë që mund të notoni ose të bëni dush me të.
Uji, në fakt, është armiku më i madh i orëve. Nëse notoni ose bëni sporte ujore, duhet t’i bëni çdo vit testim orës për rezistencë ndaj ujit në një shërbim të autorizuar. Koka mund të duket e fortë, por mekanizmi i orës është delikat dhe i ndjeshëm.
Le ta themi hapur: e vetmja "mbrojtje" e mekanizmit të orës prej ujit është një këllëf i hollë. Uji mund të hyjë lehtësisht drejt mekanizmit, përmes hapjes më të vogël, që syri i lirë nuk arrin as ta shohë
Nëse shenja e gdhendur në orë thotë se është rezistente ndaj ujit deri në 100 metra, mund ta mbani gjatë zhytjes në pishina, por fatkeqësisht, kjo nuk është plotësisht e vërtetë. Zhytja krijon ndryshim të menjëhershëm të presionit dhe, edhe pse mund të zgjasë vetëm për disa sekonda, zhytja mund të shkaktojë trysni të madhe mbi orën, veçanërisht nëse ora nuk është bërë enkas për zhytje.
Rezistenca ndaj ujit është në fakt rezistencë ndaj presionit dhe në momentin që zhyteni, ai presion ndryshon papritmas, duke u ngritur mbi pragun e lejuar. Disa zhytje mund të shkaktojnë presion aq të madh, sa ora nuk mund ta përballojë dhe uji me siguri që do të hyjë në orë.
Ekspozimi i papritur ndaj presionit, zhytja, kërcimi ose noti duhet të shmangen për shumicën e orëve. Nëse një orë është rezistente ndaj ujit deri në 100 metra, do të thotë që ora juaj mund t'i rezistojë zhytjes graduale.
Disa ora janë krijuar posaçërisht për zhytje. Ato durojnë kushte ekstreme, si zhytja në një thellësi prej 200 metrash. Orët e zhytjes kanë kurorë të vidhosur fort, kokë shumë të fortë dhe janë të puthitura mirë. Nëse planifikoni të notoni ose të zhyteni shpesh, është mirë të zgjidhni një orë të krijuar enkas për kushte të tilla. Në çdo rast, përpara se të bëni zgjedhjen tuaj, konsultohuni me një shërbim të autorizuar.
