Ora e kufizuar për koleksionistët ka dizajn të frymëzuar nga qyteti i pushtuar prej krimit, që i ka parë të gjitha, ky edicion vjen në jetë me dritë në sfondin e një koke prej çeliku inoks, të lyer në të zezë. Simboli legjendar i lakuriqit të natës ndriçon përmes fushës së errët në formë hojeje. Kurora spikat në pozicionin e orës 4 dhe mbrohet nga një kapëse metalike funksionale. Prekjet e fundit të orës janë një rrip i zi silikoni të butë me një shenjë lakuriqi nate metalik në secilën anë.
Vizioni i saj për Koleksionin Tommy Hilfiger X Zendaya lidhet me kremtimin e grave revolucionare në botën e modës, të cilat hapën dyert e mundësive për vajza si ajo vetë. Kjo intervistë sjell disa informacione interesante për dashurinë që ka Zendaya për vitet '70 dhe se si e menaxhon famën dhe pasionet e saj.
Zendaya! Si është të punosh me Tommy Hilfiger?
Fantastike! Jam me fat që më janë realizuar ëndrrat. Kam punuar me një ekip të mrekullueshëm njerëzish të përkushtuar që realizuan vërtet gjithçka. I mora të gjitha sa kërkova prej tyre. Këta njerëz janë të mrekullueshëm dhe energjia e tyre është shumë e veçantë. Secili prej atyre me të cilët kam punuar, më ka bërë të ndihem krenare. Unë jam veç një copëz e atij ekipi të madh.
Pse vitet ‘70?
Për shkak të shkëlqimit që arrihej pa shumë mund. Ishte një tjetër kohë, kur nuk ekzistonin stilistë të modës. Të gjithë kujdeseshin vetë për stilin e tyre dhe të gjitha ikonat e modës dukeshin përrallore. Më magjeps stili personal i dikujt. Ka diçka kaq të sinqertë e të vërtetë në stilin personal dhe guxim që të veshësh atë që dëshiron, ashtu siç e dëshiron. E admiroj këtë besim në vetvete. Mos harroni kurrë, gjërat elegante dhe të lezetshme gjithmonë kthehen në modë.
A mund ta krahasoni stilin tuaj aktual me atë të 5 viteve më parë?
Stili im gjithmonë ka ndryshuar e do të ndryshojë. Disa njerëz kanë një stil të caktuar, gjë që më pëlqen shumë. Si Solange - një nga gratë, interpretueset dhe ikonat e modës të preferuara. Stili i saj ka kohezion dhe spikat. E di gjithmonë që është ajo. Kohët e fundit e kam menduar më shpesh: në cilin drejtim do të rritet stili im? Kjo është arsyeja pse vendosa të bashkëpunoj me Tommy Hilfiger dhe të drejtoj krijimin e një uniforme elegante, që mund të përshtatet me çdo gjendje, ndërsa dukesh magjepsëse.
.jpg)
Si është për ty një e premte mbrëma ideale?
Zakonisht, nuk bëj asgjë të veçantë. Më pëlqen të çlodhem, ndaj dua më së shumti të rri në shtëpi, me qenushin tim dhe mbesat e vogla. Më pëlqen energjia e tyre dhe i ngacmoj shpesh. Ato janë në atë fazën e çuditshme të adoleshencës kur nuk iu dukem e paparë. Dhe Harri Poter është gjithmonë një zgjedhje e shkëlqyer :).
Për sa i përket rutinës së bukurisë: cila është këshilla më e mirë për t'u dukur pa as edhe një të metë?
Këshilla më e mirë që mund t'i jap një personi të grimuar është: "Mos bini të flini me grim!" Duhet të kujdesemi për lëkurën dhe për pamjen në përgjithësi.
Jeta bëhet lehtësisht stresuese dhe gjërat mund të fillojnë të vrapojnë. A ke ndonjë këshillë për shëndetin mendor ose për mekanizma të përballimit të stresit që do të doje t’i ndaje me ne?
Po përpiqem ta zgjidh këtë me veten time. Mendoj se një mekanizëm i mirë është të flasësh me njerëzit, madje me dikë që nuk e njeh mirë. Kjo të ndihmon të heqësh barra nga vetja.
Më ndihmon shumë kur shkruaj se si ndihem dhe për gjërat e mira që më ndodhin. Është interesante se sa e lehtë i harrojmë.
Dhe sigurisht, Harri Poteri!
